Boas festas!

 Celebramos a despedida do trimestre cun festival protagonizado por verdadeir@s artistas, parabéns a tod@s!

Tamén fixemos entrega dos diplomas aos gañado@s do certame lector. Para que sigades lendo aquí vos deixo algunhas suxerencias.

Teatro de títeres

Como participantes do Plan Proxecta "Pasaporte Solidario" organizamos unha serie de actividades para axudar aos máis afectados no conflito bélico ruso-ucraniano. Aquí tedes unha delas: un teatrillo de títeres onde lle explicamos aos máis pequenos as consecuencias do devandito conflito e tratamos de conciencialos para que participen na recollida de alimentos e roupa e poñan así de manifesto a súa solidaridade cos máis necesitados.

O alumnado de Proxecto Competencial fixo moi bo traballo, non soamente deseñando e participando nesta actividade, senón tamén colaborando moi activamente no transporte, inventariado e clasificación de todas as aportacións realizadas pola  veciñanza e as familias que se acercaron ao centro para colaborar. Moitas grazas a tod@s!

Saídas á contorna

 Estes días estamos realizando saídas á contorna máis próxima. A primeira consitiu en acompañar á rapazada de infantil a depositar  as súas postais de nadal no buzón, e a segunda, tivo lugar o venres pasado, dentro das actividades deseñadas para levar a cabo o proxecto documental integrado que coñecedes. Con esta última actividade aprendemos moito acerca da historia dos barrios máis próximos á nosa escola.